Elkano auzoko San Pedro festak iristen dira
Elkano auzoan San Pedro festak ospatuko dira ekainaren 28tik uztailaren 5era. Festen programak tradizioa, gastronomia, musika eta kirola uztartuko ditu.
Ekainaren 28 eta 29an
Festak ekainaren 28an hasiko dira, igandean, 20:00etan egindako chupinazoarekin, txistulari eta kanpai jotzaileekin batera. Ekainaren 29an, San Pedro egunean, meza nagusia 11:00etan izango da elizan, eta ondoren, tortilla degustazioa bertsolarirekin egingo da. Goizean zehar, Izer eta Alabier trikitilariek giro festiboa animatuko dute, eta 14:00etan paellada tradizionala ospatuko da. Txartelak ekainaren 21ean, igandean, 11:00etatik 13:00etara Elkano elkartean eskuratu ahal izango dira, prezioak 23 euro helduentzat eta 10 euro 12 urtetik beherakoentzat.
Uztailaren 3 eta 4an
Programazioa uztailaren 3an jarraituko du, ostiralean, 17:30ean haurrentzako jokoekin, 20:30ean auzoan parrillada popularrarekin eta 23:00etatik aurrera DJ Indatekin, goizaldera arte luzatuko den sesioarekin. Uztailaren 4an, larunbatean, auzoko afaria 21:00etan izango da. Txartelak ekainaren 21ean eta 28an, 11:00etatik 13:00etara, Elkano elkartean esiuratu ahal izango dira, eta beste egunetan Gazteategi tabernan. Prezioak 30 euro helduentzat eta 15 euro gazteentzat izango dira. Afariaren ondoren, Otsolaza eta Larrañagarekin erromeria bat ospatuko da.
Azken eguna, uztailaren 5ean
Festek uztailaren 5ean amaituko dira, igandean, 11:00etan hamaiketako popularrarekin, ondoren, 12:00etan Bigarren Kategorian Gipuzkoako Aizkolarien Txapelketaren finala jokatuko da. 17:00etan, Domingorena-Eizmendi eta Murua-Iturrioz arteko haurrentzako pelota partidu bat izango da. Ondoren, Jokin Bideazabal eta Eneko Bideazabalen arteko erronka ezaguna ospatuko da. Izer eta Narbaiza musika jarriko dute trikitixetan festak agurtzeko.
